ملعون ياغدر
وقفت ملايكة الحسنات على الطريق تحصى وتعد
خطاوى بشر ساعية لبيت الله جماعات زى الورد
النيه صافية والقلوب دافية والقصد احلى قصد
قاصدة كريم بالعباد رحيم دايماوحتما يحب العبد
تأدى فرض ربها وتدع يسبل عليها الستر والسعد
ساحبة عيالها تسبق خيالها ومازيهم تشوف حد
والوجوه منورة والابدان معطرة والنية زى الشهد
وصلوا المكان قبل الادان واللسان داير شكر وحمد
الكل قاعد والسكينة بتساعد على الركوع والسجد
وفى لحظة امان وقف الزمان وحلف مايكمل عد
شاف الغول زى المغول لارحمة عنده ولادين يعتد
لابس قرون والوش مدهون والقلب جواه مسود
فتح نيرانه على المسجد وسكانه ومعتقش الجد
رصاص وابل ومعاه قنابل تحصد البشر حصد
من غير جريرة. صغيره ولاكبيرة قتلوا من غير حد
ليه ياانسان تسمع لشيطان يسوقك لنار ماتنهد
قوم يامصرى حزم لى خصرى نشوف ازاى الرد
ايدك فى ايدى داانت سنيدى امبارح وبكره وغد
نهزم شيطان داير فتان عاشق للفتنة وغاوى الهد
ونعلى بنيان يخدم انسان للفلاح نبنى باليد
شايف عدوك موقف نموك وقاتل جواك حب الود
فى الدنيا سايح قاتل وطايح ماعامل حساب لحد
ساعد جيشك عن الشر يحوشك ويمد لك يد
ودل الشرطةعلى اهل الفرقة وتخلص من السهد
وايد زعيمك هو نصيرك من شرور طبع الوغد
مسكه الدفة ودعمه بالالفة يحميك من جزى ومد
مد زراعك وافتح باعك لبلدك من المهد لحتى اللحد
دى هى ملاذك وسبل مفازك ومازيها ابدا حد
لملم حبايلك تحت عبايتك عمرك ماتحس ببرد
الاتحاد قوة تزود المروة وتغلب الفاسد والمرتد
الغيث الوفير فاروق الباشا مصر
ليست هناك تعليقات:
إرسال تعليق