الشاعروالملحن فارس نبيل

جرحتني
وانا كنت مخدوعه في هواك
وسبتني
وسط الطريق وكنت فاكره انك ملاك
رسمتلي أحلام جميله في حضن قلبك
عيشتني في كدبة من تأليفك انت
ندمتني علي عمر عشته لحظه جمبك
خلتني اصدق الحب وهم كبير وغلطه
هي الحياه هتساوي ايه بعد الخداع
فيه ناس تضحي بعمرها لقلب باع
وناس تجرح فينا واحنا عايشين بنارنا
وناس تموت بايدينا قبل ما نقول الوداع
جرحتني
وازاي قدرت تبيع ولا تخون هوايا
وسبتني
لجرح قلبي اللي عمره مالوه نهايه
عشمتني بالجنه بس لقيتها نار بايدك
خدعتني سنين طويله ولسه حتي مصدقه
فكرت حبي غالي عندك وبيجري في وريدك
اتاريتني عايشه في وهم كان اسمه اللقي
هي الحياه مليانه كدب وجرح ليه
حتي اللي بنضحي عشانهم سابولنا ايه
دموع حزينه وزكريات وياريت بايدنا
نبعد نفارق قلبهم وقلبنا هندوس عليه
جرحتني