عالحلوه والمره
شيلت الهم بدرى ياناااااس
ربيت وكبرت وعلمت
ويارتنى ماشلت ولاربيت
لاميت وجوزت
ولاعمرى يوم اشتكيت
واللقمه كانت على اد الحال
عملتلكم ياولادى البيت
ولما كبرت ياولادى وعجزت
محدش حاسس بلى فيا
كل واحد فى حاله ملهوش دعوه بيا
ايلى بيعطف يوم عليا وايلى ملهوش مزاج ليا
ولو الأجل خلص ياولادى تعملوا مناحه عليا
ايه رأيكم لو تعملوا العزا من دلوقتى
عزايا فيكم كبير ياولادى
ليكم حق عليا
وليكم ورث عندى وانا مليش حاجه عندكم
شرع مين يقول كدا
الورث ليكم فيه
وخدمتى ورعايتى من حق مين
دا حتى ربنا قال برالوالدين
ادونى حقى وبعدين دورو على حقكم
لو هى الحكايه كدا
مكنتش شلت همكم ولاربيت
كنت دفنتكم ياولادى تحت البيت
انتوا كتير ياولادى
المثل بيقول العدد فى الليمون
وانا بقول
ربنا موجود
وحقى عند ربنا مش عندكم
ليست هناك تعليقات:
إرسال تعليق