29- قلب مين
**************
لحد أمته الجراح والألم لحد أمته تظلم في القلوب وتبكي بدموع مستكينه وتصرخ وتقول أن قلبك هو اللي أتظلم ولما جات لحظة الوداع معرفتش فيها قلب مين اللي أنكسر وكان كلامك إن كل قلب له حجته وله دفاعه وإن لكل قلب وجهة نظر وإن كل قلب شايف أن له حق وله ينتصر ممكن تخلي ضميرك مرة واحده يبقي هو الحكم قلب مين اللي رفع رايات الأستسلام لمخاوف الزمن؟ وقلب مين اللي كان عنيد ورفع جباه الحلم اللي أتولد في يوم فوق أعالي السما وصمم إنه يحققه ؟ وقلب مين اللي أنحني قدام كلام الظلم وكتم صرخة الحق المخنوقه بين ضلوعه وعاش ذليل مهان بين متاهات الحياه ؟ وضيع ألف ..ألف حلم وداس بقوة علي حق البشر؟ ومين اللي مد أيديه ماسك جمره من النار ومهمهوش إنه يتحرق من أجل صبر طال أعوام كتار وأنهارت معاه من الظلم كل المدن ؟ ياريت رحلت أو بقيت تخلي دفاعك معتدل ولو للحظة في حياتك ينتصر للحق اللي تاه عنك سنين يمكن تفكر القلوب تسامحك وتنسي إنك في يوم كنت حاني الجابين مكسور ذليل لقلوب زي الحجر نسيوا في يوم إنهم بشر ونزلوا ستاير الضلمة علي الأحلام في عز النهار وأجهضوها قبل ما تتولد .
********************
ليست هناك تعليقات:
إرسال تعليق