ما نسينا ولاقينا بدالك
*******************
ما نسينا ولاقينا بدالك
إنسانا واعمل ما بدالك
والقلب ماعادش بيهواك
وعيونى بتعشق ترحالك
********************
أوعى حنينك يوم يهوانى
وحسَّك عينك ترجع تانى
دنا عُمرى ما كنت عليك آسيه
ولا كنت لقلبك يوم ناسيه
معلش يا قلبى باقيت راسيه
ع القلب إللى يحل بدالك
*********************
أصلك فاكر إنك تقدر
ببعادك حاسهر وافكَّر
وأقولك قلبى مالوش غيرك
ما انا جالى فـ بُعدك طير غيرك
كنت بتقسى وقلبى يسامح
كنت بتنسى وانت الجارح
ولا فاكِر بُكْره من إن بارح
ولا مرَّه لاقيتنى فـ خيالك
**********************
خلِّيك على راحتك خليك
ما انا اللى سامحتك خليك
أسوِة قلبك كات بتفرَّق
وقلبى يغرَّب فيك ويشرَّق
بُكرَه اقول ومسيرُه حايعقل
ألقى جفاك بيزيد وبيتقل
لمَّا ندانى الحُب الأتقل
قولت خلاص ولاقينا بدالك
**********************
كلمات للشاعر
الأستاذ / فتح الله أبو آيه
عضو نقابة شعراء مصر
الإسم / فتح الله محمد صفوت عبد اللطيف
البلد / مصر
ليست هناك تعليقات:
إرسال تعليق