بقلم الشاعر المصري أحمد إبراهيم النجار

الشاعر المصري أحمد إبراهيم النجار
يكتب مصري مصري
بين تاريخ المجد واقف
وف ايداية سطور حكاية
فيها احمس فيها مينا
و التاريخ يحكي البداية
مصر عاشت نور بيوصل
للي كان في الظلمة عايش
واللي خايف
واللي مش شايف تاريخك
يفتح القرآن في ايه
ادخلوها سالمين امنين
أهل مصر الطيبين مؤمنين
كانوا وقت الشدة يمحو
كل غادر او دخيل
م التتار
أو مغول
أو رومان
او صهاينة
وانجليز
شعب مهما الشدة تألم
شعب فوق المستحيل
شعب يرسم في الميدان
كل لوحة مجد بلدي
ع الحواري وع النجوع
ع الشوارع واللى زارع
مجد بلدي اسمه مصري
أيوة مصري مهما ذاد الجرح
واخد إبن بلدي
لسه فيه اصرار عناد
مهما مات
التاريخ كاتب حكاية
شاب مصري جندي مصري
ام طفل وشيخ كبير
لونه امحي بلون جمالها
مصر ام الطيبين
تحيا مصر بشعب بلدي
مصري مصري فوق جدار المستحيل
بقلم الشاعر المصري أحمد إبراهيم النجار