كلمات / طارق معن

- مـش لازم - - - - -
مش لازم أعـمل كــده
عـشان يكـونلـي مكـان
ميزاني يزيـد ويخــس
ولا تخسروا الميــزان
وازيـد غلب الغلبـــان
وأدلـع فى اللـي خــان
وانسى ان فى ربنـــــا
موجـود فى كل مكـان
وعشان مصلحتي بس
أتـلــون كالتعبــــــــان
وأدوس علـى أي حـــد
واقـتـل فـيـا الأنـســان

مـش لازم أعـمـل كـده
عـشان يكـونلي مكــان
ميزاني يزيـد ويخــس
ولا تخسروا الميــزان
أصـاحـب أهـل الشــر
وازيد جرح المجروح
وطـول الوقـت ظالـم
وبتخطـــى المسمــوح
لحسـن يستضعفـنـــي
الناس - وهيبتي تروح
والدنيا مش حتدوملـي
لو كل مافيهــــا هــان
مـش لازم أكون كــده
عـشان يكـونلي مكـان
ميزاني يزيـد ويخـس
ولا تخسروا الميــزان
ويبقى لي لقمه طرية
أبــو الأدب والــذوق
لايـفلت منـي الزمـام
وغيري خيلي يسوق
وابقى شيطان أخرس
بسكوته تضيع حقوق
لازم م الغفلة أفــوق
قبــل فـــوات الأوان
مش لازم أعـمــل كــده
عـشـان يكـونلـي مكـان
أجي ع العين البصيرة
وإيـدهـا شايفها قصيرة
واكـسرالناس الصريحة
واتعب الناس المريحـة
واحلل بمزاجي واحرم
ومن اللي ظالمه أتظلم
واهـد فـى اللـي بيبنـي
لوأنا مش فى الحسبان
مش لازم أعـمـل كـده
عـشان يكـونلـي مكان
ميزاني يزيـد ويخــس
ولا تخسروا الميــزان
كلمات / طارق معن