مرفص إقلاديوس

للطيبين فقط
بقلم..مرقص إقلاديوس
....
القلب الطيب غالى اوى
ما ينفعش يتمن بالمال.

أصل الدنيا بتتغير دايما
و كل يوم بميت حال.
القلب الطيب صاحب صاحبه
مهما اللى بيعاديه عليه قال.
عمره ما كلمة توديه و كلمة تجيبه
امبارح كان يمين،النهاردة يبقى شمال.
القلب الطيب حبيب حبيبه
مهما الزمن جار عليه و مال.
يصون الود،غالية عليه العشرة
يكفيه إن حبيبه لسه ليه ميال.
القلب الطيب عمره ما يقلق
عنده إيمان عجيب يهد جبال.
يقوللك بكرا
ملك ربنا و بأمره.
و بكرا احسن من النهاردة.
و بعده احسن منه.
و كلمة الحمد لله دايما على لسانه فى كل الأحوال.
ملاح بحور الحكمة
مرفص إقلاديوس