يزيد علوي اسماعيلي

الحَياة شْقا و عگابي
طريق المحنة فيها هَوْتَة
ركُوبها محتاج ركابي
كبير الخطى يطيح ف گلْتَة

ما تصيب شكون يحابي
يلا تطيح ما تجبر فلتة
متاهة ضاعت ف جعابي
ركام قش و التّالف فنتة
لا من يعين لا من ينابي
و خّا ليك من لحباب شتى
يا مَن رَاهَا وَطْية و زرابي
العين تكذب و الصورة زَعتَة
سرّها مدفون ف خوابي
الوجه هْبُور و التَّحتِي كفتة
هذا واقع كتبتو ف كتابي
حطّيت فيه من نصايح قتَّة
راه الحياة حفر و روابي
و المعني بالكلام انا و نتا
يزيد علوي اسماعيلي
★شرح بعض المفردات★
شقا و عگابي = شقاء و عقبات
هوتة = منحدر خطير
ركابي = رُكَب (أرجل)قوية
گلتة = مستنقع مائي
شكون = مَنْ
ما تجبر فلتة = لن تجد مخرج
جعابي = قنوات ملولبة
التالف = الضائع
فنتة = شوكة و المقصود هنا إبرة
و خّا = و لَوْ
وطية = سهلة و متسطحة
زعتة = كذبة
خوابي = ج خابية اناء قديم لوضع الماء و المؤونة
هبور = ج هبرة و هي قطع كبيرة من اللحم
كفتة = لحم مطحون
قتة = ربطة او حفنة
نتا = انت
اتمنى ان اكون قد توفقت في تقريب المعنى