()ابويا مات ()
فجأة ومن غير مقدمات
أبويا مات
آه على الوجع
وقلبي اللي اتوجع
فى يوم وليلة
مات القلب إللي كان بيلمنا
وفى يوم وليلة
راح نبع الحنان
ما تعبش حد
وكان مرياحنا كلنا
حاسس بالوجع
وكان مخبي علينا الوجع
راح شغله فى أمان الله
جات له نغزه ف قلبه
راح فارق فيه الحياة
وسبنا واحنا مكسور قلبنا
وفى يوم وليلة
طعم الوحدة والخوف
بقى معشش عندنا
البيت إللي كانت
الضحكة فيه وصله الجيران
الحزن خيم خلاص ع المكان
وفى يوم وليلة
أصبح أبويا المرحوم فلان
وأنا بقيت من بعده مقسوم كمان
كان ليا سند وظهر وحضن أمان
سايب ليه بصمة فى كل مكان
وكلامه لىّ معلم فيا من زمان
كان دايما يقول يارب أموت
وتراب الأرض على رجلي
أرد واقوله يخليك لينا يابا طول الحياة
يقول يا بني الإنسان تقيل
مش عايز أتعبكم معايا
راح إللي كان بيلمنا
واللمة من غيره محزنة
أبويا يا نبع الحنان
ياللى الكلمة منك ميزان
هارجع لمين بعدك يا طيب
ياللى الفرح والحزن منك قريب
سبتنا للوحدة والهموم
وأنت إللي كنت شايل عننا
بتمنى ترجع تاني للحياه
وابوس ايديك ورجليك كمان
بُعدك فارق كتير يابا ف المكان
مش قادر أتحمل حاسس اني وحيد
قلبى يا ناس بينزف حزن شديد
يارب ارحم أبويا وقبره خليه نور
أنس وحدته اجعله فى جنتك
يارب انت الغفور رحيم
ده كان لينا ناصح أمين
وعلمنا الصلاة و القرآن والدين
يابا وحشتنا رغم انك لسه مفارق قريب
حاسس إن بقالك سنين وسنين
كان نفسك تفرح يابا بيا
وابقى فى الكوشة عريس
هافرح يابا من غيرك إزاي
د أنا جوايا ميت وعايش حلاوة روح
وكنت بيك فى الدنيا يابا بعيش
صاحبي بيهون علىّ بيقولي البقاء لله
والبقية فى حياتك قلتله هو بقى فى حياه
ده كان هو ضحكتي
وكان فرحى وحياتي ودنيتي
أبويا كان شلال حنان
ييجي على نفسه علشان يعيشنا فى أمان
كان بيتعصب كتير لكن قلبه كان كله خير
كان بيشيل اللقمة من بقه ويدهلنا وينام جعان
نٓفسه بالنسبة له مش مهم
المهم إحنا نكون تمام التمام
أبويا مات أنا مش مصدق
لسه ريحته موجودة فى المكان
مش سايب لينا غير ذكريات
وشوية حجات نفتكروا بيها
نضرته الازاز شنطته
اللي فيها قلمه الرصاص وعدته
وصورة ليه قبل ما يموت بأيام
كأنه كان بيقولنا علقوها
جنب بويا لما اموت
أبويا كان بيحب الحياة
فجأة راح فارق الحياة
الله يرحمك يا طيب
ياللي الفرح والحزن منك قريب
الدنيا بعدك صعبة يابا
بس اوعدك أحقق رغبتك
وابعد عن ولاد الشر
وأمي اخليها فى عنيا
وفى كل سجدة هدعيلك
وفى كل سجدة هدعيلك
أبويا مات
آه على الوجع
وقلبي اللي اتوجع
فى يوم وليلة
مات القلب إللي كان بيلمنا
وفى يوم وليلة
راح نبع الحنان
ما تعبش حد
وكان مرياحنا كلنا
حاسس بالوجع
وكان مخبي علينا الوجع
راح شغله فى أمان الله
جات له نغزه ف قلبه
راح فارق فيه الحياة
وسبنا واحنا مكسور قلبنا
وفى يوم وليلة
طعم الوحدة والخوف
بقى معشش عندنا
البيت إللي كانت
الضحكة فيه وصله الجيران
الحزن خيم خلاص ع المكان
وفى يوم وليلة
أصبح أبويا المرحوم فلان
وأنا بقيت من بعده مقسوم كمان
كان ليا سند وظهر وحضن أمان
سايب ليه بصمة فى كل مكان
وكلامه لىّ معلم فيا من زمان
كان دايما يقول يارب أموت
وتراب الأرض على رجلي
أرد واقوله يخليك لينا يابا طول الحياة
يقول يا بني الإنسان تقيل
مش عايز أتعبكم معايا
راح إللي كان بيلمنا
واللمة من غيره محزنة
أبويا يا نبع الحنان
ياللى الكلمة منك ميزان
هارجع لمين بعدك يا طيب
ياللى الفرح والحزن منك قريب
سبتنا للوحدة والهموم
وأنت إللي كنت شايل عننا
بتمنى ترجع تاني للحياه
وابوس ايديك ورجليك كمان
بُعدك فارق كتير يابا ف المكان
مش قادر أتحمل حاسس اني وحيد
قلبى يا ناس بينزف حزن شديد
يارب ارحم أبويا وقبره خليه نور
أنس وحدته اجعله فى جنتك
يارب انت الغفور رحيم
ده كان لينا ناصح أمين
وعلمنا الصلاة و القرآن والدين
يابا وحشتنا رغم انك لسه مفارق قريب
حاسس إن بقالك سنين وسنين
كان نفسك تفرح يابا بيا
وابقى فى الكوشة عريس
هافرح يابا من غيرك إزاي
د أنا جوايا ميت وعايش حلاوة روح
وكنت بيك فى الدنيا يابا بعيش
صاحبي بيهون علىّ بيقولي البقاء لله
والبقية فى حياتك قلتله هو بقى فى حياه
ده كان هو ضحكتي
وكان فرحى وحياتي ودنيتي
أبويا كان شلال حنان
ييجي على نفسه علشان يعيشنا فى أمان
كان بيتعصب كتير لكن قلبه كان كله خير
كان بيشيل اللقمة من بقه ويدهلنا وينام جعان
نٓفسه بالنسبة له مش مهم
المهم إحنا نكون تمام التمام
أبويا مات أنا مش مصدق
لسه ريحته موجودة فى المكان
مش سايب لينا غير ذكريات
وشوية حجات نفتكروا بيها
نضرته الازاز شنطته
اللي فيها قلمه الرصاص وعدته
وصورة ليه قبل ما يموت بأيام
كأنه كان بيقولنا علقوها
جنب بويا لما اموت
أبويا كان بيحب الحياة
فجأة راح فارق الحياة
الله يرحمك يا طيب
ياللي الفرح والحزن منك قريب
الدنيا بعدك صعبة يابا
بس اوعدك أحقق رغبتك
وابعد عن ولاد الشر
وأمي اخليها فى عنيا
وفى كل سجدة هدعيلك
وفى كل سجدة هدعيلك
شكرا جزيلا لكل القائمين على الموقع وتحياتي للجميع بدوام التوفيق والنجاح يارب
ردحذف