بقلمى.. ابوالوفا ابوزيد…

(جرح بجرح)
انا ضيعت ف حبك عمرى
وانت لا هنا ولا قلبك دارى
شوفت بعينك عمرى بيجرى
قولت ف بالك طب وانا مالى
جرح بجرح وقسوه بقسوه
كنت الغالى بقيت ولا تسوى
مش هنساك..واياك راح تنسى
بكره تشوف الوايل دا ليالى
حطك أدام عينى اتعلم
ازاى اجرح ولا أتألم
ه اعشق لكن عمرى ما اسلم
قلبى وكل مشاعرى وحالى
دا انا ضيعت ف حبك عمرى
وانت لا هنا ولا قلبك دارى
كنت انا ليك الحب بحاله
بكل مافيه وبكل جماله
وانت بتاخد بس ماتدى
وانا اقول حب العمر وماله
ف بحر الحب غيرقت انا وحدى
وانت فى قلبى عليه بتعدى
لا نزلته ولا فيه بتهدى
جرحت ف قلبى كسرت اماله
جرح بجرح وقسوه بقسوه
كنت الغالى بقيت ولا تسوى
مش هنساك..واياك راح تنسى
بكره تشوف الوايل دا ليالى
...................................
بقلمى.. ابوالوفا ابوزيد… وفا