* محمد الأشقر

# على شط احزاني ••• الأقصر 12/5/2018

على شط احزاني قاعد وبتأمل
موجة ورا موجة مبتبطلش
يمكن عشان ساكت مبتكلمش
ولا الزمن من كتر همي
قال زيدو دا متحمل

عنيا باصة لبعيد مبترمش
بتحكي وتقول وتتكلم
بس الغريبة..دموعها مبتنزلش
يمكن معانداني
ولا خايفة من الشماتة مبتبينش
حزينة •• لكن لساها بتتجمل

ياغربتي ونا وسط الناس ووحداني
بسمع واداري بس قلبي ممتحملش
كلامو كله أنين ووجع
ياما كتير اتخدع
ده لو كان جبل ميتحملش
صابر معايا•• بيتأمل
بس طالت يابووووي الحكاية
يا ترى حيوقف ولا حيكمل ؟
*
* محمد الأشقر
الصالون الثقافي بالأقصر