شعر/ كمال البنا

قصيدة/ افديكى يابلادى
زنبه اية يابلدى أللى فداكى بروحه ودمه ٠
زنبه اية أللى علشانك ساب أولاده وعرضه وامه ٠
زنبه أنه شال سلاحه وواقف يحمى الحدود٠
زنبه أنه أقسم يمين يحمى ارضنا وارض الجدود ٠
ولا زنبه أنه ضحى بكل رخيص وبكل غالى ٠
لاجل إسمك يا بلدى يفضل دائمأ فى العالى ٠
اقسم ليكى يابلادى أنى هجيب حق الشهيد٠
وهوصى من بعدى ولادى يرفعوا علمك أكيد ٠
علمونى زمان فى المدارس ازاى احمى بلادى ٠
علمونى مارفعش سلاحى إلا فى وش الاعادى٠
علمونى أن المصرى عمره مكان جبان وخسيس ٠
يعنى الغدر غريب علينا وداخل ما بيننا داسيس ٠
اوعدك يابلادى ياغالية كلنا راح نرفع سلاحنا ٠
وناخد سوى ثأر الشهيد وبايدينا نداوى جراحنا ٠
اوعدك ايد هتداوى الجراح وايد هترفع سلاح ٠
اوعدك أيد هتبنى مصانع وايد هتجنى مزارع ٠
وهنفضل نعلم ولادنا ازاى بايدينا نحمى بلادنا ٠
ومش هنخاف من الارهاب لأنه خسيس كذاب ٠
وتحية ليكى يا ام الشهيد حق ابنك هييجى اكيد٠
روحه زينت الجنة من بعيد فى أول ايام العيد ٠

شعر/ كمال البنا ٥/ ٦/ ٢٠١٩