.فاطمه عبد الشافي

((**لسه فاكر **))
** ** **
لما دق الحب بابك
كنت انا واقفه يابيه
يومها قولتلي تعالي
ياحلم بدور عليه
انتي اللى ساكنه خيالي
وياما حلمت بيه
تعالي نوري الليالي
ونجمك فى سمايا يلالي
دا عمري ليكي بهديه
فاكر ساعتها قولتلي إيه
قولت حياتي قبلك ماتتوصفشي
ومش هخبي عنك واداري ولا أنكرشي
إن الدنيا من غيرك حببتي ماتنعشي
ودخلت انا حياتك وغيرتها
والمايل اتعدل وأمورك ظبطتها
وعشنا فى سعاده وهنا وقتها
وجميع امور حياتنا نظمتها
دلوقتي بعد ماكبرت وعدت بينا السنين
والشقى بان عليا والمرض بيهد فيا
راح فين الحنين
فين وقفتي جمبك ومعزتي عندك
كله إتنسى فى ثانيتين
ياألف خساره على عمري الحزين
اللى فانيته معاك وماأخدت غير دمع العين
وكانت نهاية خدمتي الأسى والأنين
طلعت إيديا فاضيه بعد طول السنين
ورفيق العمر باعني وشكوتي لمين
مافيش غيره هو رب العالمين
..................................................فاطمه عبد الشافي