بيدق الحلم المتعافي وينخل لكتاف
وأنا أصلي بليد مفهمش الخوف .
مخلوق ف الهوي ولاعمري بخاف
أنا عاشق حلمي وبمشي وراة
أنا ضد العقرب بتحداة ،،
وبصاحب موتي كما الأخوات
أنا بهزم يأسي
وبهزم نفسي
وبهزم عمري
وهنصرحلمي وهمشي معاة
أنا أصلي بداية
ومبتدئي في قواعد اللغة
ممنوع م الكسر
ما أنا المعجون في شوراع مصر
انا ابنها شرعي مش ابن صاجات
مخلوق في الدنيا قبل الفرعون
أنا أصلي تاريخ من عند الله
نازل في كتاب عبر السموات
انا عمري ما مت ولا عمري هموت
انا مصري كبير ولا بزعل عمري م القفوات
وصل المفهوم ولا نعيد تاني في الحكايات.
(بقلم التاريخ ) عبدالمنعم البيلي
ليست هناك تعليقات:
إرسال تعليق