الحق مش عليك بقلم / فتحى طنطاوى احمد

الحق مش عليك
الحق مش عليك
حبيبى أنا حبيبى
ابعد. خاصم. أهجر
هتفضل أنت حبيبى
غلطانه اومش غلطانه
بقولك الحق مش عليك
الحق عليا أنا لانك
أنت روحى انت
عمرى لك انت
وقلبى ملك ايديك
ماهو انت انا
جسد واحد ضمنا
قلب واحد جمعنا
خايفه بكره الايام
تأسيك وبلحظه تفرقنا
لو صحيح بتحبنى
ليه النهارده خونتى
بالمرار والحزن عيشتنى
دمرتنى قتلتنى كسرتنى
بعد ماكنت حياتى
بايدك أنت دبحتنى
اشتريتك وقلبى التمن
اشتريتك بأغلى ماعندى
والنهارده جرحتنى خونتنى
بعتنى بارخص تمن
مش هعتب عليك
بعدما ضيعت قلبى
خونت حبى وعشقى
وجرحتنى أنت بايديك
بعد ماسلمت روحى
ووهبت عمرى ليك
ياخسارة سهر الليالى
عشان اسعدك واهنيك
لا وحياة دموع العيون
اللى ماشافت نوم
هنساك من النهارده
مش بعد كام يوم
الحق مش عليك
الحق عليا أنا
وحياة اللى كان
وحب مقدرتش تصون
مره تانيه لو لثانيه
ليك ياخاين مهكون
بكره دموعك تكويك
والحزن يمر عليك
ومش هتلاقى حد يداويك
بقلم / فتحى طنطاوى احمد