أنا طول عمرى.... بقلم فتحى طنطاوى

أنا طول عمرى.... بقلم فتحى طنطاوى
أنا طول عمرى فلاح بسيط
كتير بيقولو طيب وكتير بيقولو عبيط
مابعرف الكوسه من الارنبيط
طيب مالكم ومالى سبونى بحالى
أشوف رزقى وقوت عيالــى
اصل انا اتربيت ارمى على الله احمالى
كل يوم الصبح افوضه امرى وصلاح حالى
كرامتى اغلى من الماس الحــــــــــــر
لانى راجل فلاح فالح وحـــــــــــــــــــــر
ماتنحنى راسى ولو الف سيف بجسدى بتنخر
لا أنافق ولا للايادى ابوس وان كنت مضطر
لجل الوصوليه وكسب الحرام اسلك الف بـــــــر
اربط على بطنى الف حجـــــــــروأكل عشب
كما الاغنام ولايكون بجوفى ذره حرام وشر
فلاح ابن الكد والعيشه على القد
حامد عابد شاكر ربنا
بس امبارح وقت الضهريه
وانا قاعد على الترعه حنب
السكه البحريه
شفت مصايب وعجايب
من الرايحه والجيه
اللى تقول مامى ولا تقول بابى
وبتطرقع لبانه زى البمب ولا مستحيه
لابسه محزق وملزق لانه موضه
وعصريه وحياة رفاهيه لكل بنيه
كل فكرها تلاقى عبيط يحبها وتددلل عليه
وهى فاضيه ولا تعرف معنى الحب ايه
وياما هناخد من الموضه فصول سوده
تليفون ططتش وعفول لطش مهويه
لجل نسهر بالغرام ونعيش شويه
والشنطه مليانه اقلام روج وكحله
وكمان فلاشه للنغتشه والتسليه
لانه مش حرام نشوف حاجه ثقافيه
وان قلت يابنت اقرئى بالعقيده شويه
هتقول عقول من العصور الحجريه