حكاوى الناس:::فتحى طنطاوى

حكاوى الناس
ياحلاوة قعدة الحصيره ولمت الناس
والبنت اميره تجهز عدة الشاى
على جنب نولع وابور الجاز
لجل تحلى القعده وحكاوى الناس
مع كباية شاى فى الخمسينه
لكن سمينه بتعدل الراس
بلا قهاوى بلا خوته وبلاوى ناس
كله على القهوه قاعد يبصبص لبنات الناس
وناس قاعده متنشيه ويمكن مش متعشيه
واكترهم هربان من الوليه
نقريه حشريه ولليل نهار نكديه
ارفانى بطلباتها واللى جابوه صحباتها
كل ماتشخط فيه ينط زى القط
وفى الشارع عامل فتوه وبيه
وفى جيبة تلاتا جنيه
على القهوه يقعد يلعب دورين
ويطلب بمزاج حجرين
يمكن يرجع يلاقى الحرمه مخموده
بدل مايضيع مزاج الحجرين
احنا بزمن فيه كتير ضايعين
ناس تسوى مداس وبيه تنداس
وناس تصحى من الفجريه لاكل العيش
وناس تنام للضهريه ومالها احساس
مالناس معادن تراب وتبرودهب وماس