يادنيا سبينى اعيش:::فتحى طنطاوى احمد

يادنيا
يادنيا سبينى اعيش
كفايه انك ماتسويش
انتى لسه مزهقتيش
شغاله فينا تلطيش
مفيش فرحه بقشيش
حمولك عنى مابترفعيش
ليل نهار مابترحميش
ناس كتير زى الريش
مكرشه ملايين لكن متساويش
وناس تظهر المحبه وجواها مفيش
كفايه يادنيا كده تلطيش
فكى عنى يومين اعيش
ناس بتاكل كباب وناس
مش لاقيه جبنه اريش
عاشوا فى القصور ومايسووش
مابيبطلو مص دم ولا تكبيش
لو قلت له هات حق
بلدك والفقير يحلف ممعهش
وفى البار والسكريدفع
ملايين لجل للحظه يعيش
اخص عليك زمن رفعت
الخسيس واللى مايساويش
كده كده يادنيا هعيش
رافع راسى لانك متستاهليش
ناس بالجنيه والنهب تعيش
وناس غلابه بغير الشرف ماتعيش
يازمن ندل حوجتنا للى مايساويش

 ياصحاب الملايين والقصور متتغروش
بكره فى التراب تدفن وما تساويش
فى القبر الفقير زى الغنى فى شاش
وامام عدل ربنا لارشوه ولا بقشيش

 فاكرلما قلتم اننا خدم وهاموش
يابشر بلا شرف لذمتى مايلزموش
حتى الوطن باعوه بشوية قروش
من غير الغدر والخيانه مايرتاحوش
وانا الاصاله طبعى والخاين محبوش
الانسانيه غريزه ربانيه اتخلقت ومااشترينهاش

 عمرالفلوس والمناصب والكروش
عن الواجب والمعروف ماتحوش
اخص عليكم الانسانيه ماتستاهلوش
ليه ياجارى وصحابى وخالى ضربها طناش
ليه مابتصرخ فى الظلم وبيه ماترضاش
ليه بقينا بغابه الظلم عشش وعاش
والعدل فر بلا مستقر والمطرح ملقاش